میرے بابا
فاطمہ لیاقت ( بورے والا)
میرے بابا، آپ کی شفقت، دل کو قرار دے
آپ کی مسکان، میری ہر خوشی کا راز ہے
آپ کے بغیر، یہ دنیا ادھوری لگتی ہے
آپ کی دعاؤں کے سائے میں، میری زندگی چلتی ہے
آپ کی انگلی تھامے، میں نے دنیا کو جاناذ اس
آپ کے قدموں پر چل کر، ہر راستہ پہچانا
جب بھی میں گری، آپ نے سہارا دیا
آپ کی محبت میں، ہر درد کو گوارا کیا
آپ کی نصیحتوں نے، میری راہیں سنواری
آپ کی دعا نے، ہر مشکل کو آسانی میں بدلا
میرے بابا، آپ کی محبت کا قرض، کبھی نہ چکا سکوں گی
آپ کے پیار بھرے لمس کو، کبھی نہ بھلا سکوں گی
آپ کی آنکھوں کی چمک میں، میری دنیا روشن ہے
آپ کی ہر بات میں، میرے دل کی دھڑکن ہے
آپ کے بغیر، زندگی کی ہر شام اداس ہے
آپ کی محبت کے بغیر، ہر پل نڈھال ہے
میرے بابا، آپ میرے ہیرو، میری پہچان ہیں
آپ کی موجودگی میں، میری ہر خوشی کی جان ہے
جب بھی دنیا نے، مجھے مایوس کیا
آپ کے پیار نے، میرے دل کو معطر کیا
آپ کی شفقت نے، مجھے اچھا انسان بنایا
آپ کی قربانیوں نے، مجھے کامیاب بنایا
میرے بابا، آپ کی عظمت کو سلام ہے
آپ کی محبت میں، میری دنیا کی صبح و شام ہے
زندگی کے سفر میں، آپ کا ساتھ ہمیشہ رہے
آپ کی دعاؤں کی چھاؤں، ہمیشہ میرے سر پہ رہے
میرے بابا، آپ کی محبت، میری زندگی کا مان ہے
آپ کے بغیر، یہ سفر بہت ہی بے نشان ہے۔