ہارون آباد شہر اور صحافت
حق سچ کی آواز
ہارون آباد شہر صحافت کے میدان میں بڑا زرخیز علاقہ ہے نوجوان نسل میں کئی ایک لائق فائق اعلیٰ تعلیم یافتہ صحافی خدمات انجام دے رہے ہیں نوجوان نسل کی صحافت میں ایک خوبصورت اور قابل ترین تعلیم یافتہ نام جس نے قلم کی حرمت اور طاقت کو ملحوظ خاطر رکھ کر بڑا نام کمایا ہے
خرم شہزاد ملک جو کسی تعارف کے محتاج نہیں ان کا انتہائی باوقار شریف کاروباری گھرانے سے تعلق ہے گورنمنٹ کنٹریکٹر حاجی ملک محمد ارشاد کے فرزند ارجمند ہیں مظلوم اور دکھی انسانیت کے ساتھ ہمیشہ کھڑے نظر آتے ہیں اگرچہ کئی مرتبہ مظلوم کا ساتھ دینے کی سزا بھگت چکے ہیں جھوٹے مقدمات اور مشکلات کا سامنا کر چکے ہیں مگر چونکہ سماجی شخصیت حاجی محمد ارشاد ملک کا خون اس نوجوان کی رگوں میں دوڑ رہا ہے اس لیے انہوں نے ہمت نہیں ہاری اور کبھی قلم کی حرمت پر آنچ نہیں آنے دی اس لئے رکاوٹیں اس نوجوان کو سماجی خدمات سے نہیں روک سکیں
خرم شہزاد ملک بہترین جرنلسٹ اور کالم نگار ہیں کئی نیوز پیپرز کے نامہ نگار اور ایڈیٹر ہیں ہمیشہ سچ لکھتے ہیں بلیک میلنگ اور لفافہ صحافت کے سخت خلاف ہیں ہمیشہ مظلوم کی مدد کو تیار رہتے ہیں فقیر والی پریس کلب رجسٹرڈ فقیر والی کے نائب صدر اور سٹی پریس کلب رجسٹرڈ ہارون آباد کے نائب صدر اور جرنلسٹ فاؤنڈیشن کے میڈیا کوارڈینیٹر ڈسٹرک بہاولنگر ہیں الیکٹرانک میڈیا کے بڑے سینئر صحافی ہیں اپنے سینئرز کا احترام ان کی شخصیت میں کوٹ کوٹ کر بھرا ہوا ہے اپنے سے محبت کرنے والوں کے مشکور رہتے ہیں اور جلنے والوں کو ہمیشہ دعائیں دیتے ہیں دعا ہے کہ اللہ کریم ہمیشہ ان کو صحت و سلامتی اور سچ کا ساتھ دینے کی توفیق اور زور قلم عطاء فرمائے آمین ثم آمین
