قربانی کا مقصد
از قلم نبیلہ امجد شاہ
قربانی ایک عظیم الشان اور عالمگیر عبادت ہیں اس کی فضیلت قرآن مجید کی تعلیمات سے واضح ہے قربانی اپنے اندر ایک عظیم مقصد لیے ہوئے ہیں قربانی حضرت آدم علیہ السلام کے زمانے سے لے کر آج تک تمام امتوں پر واجب کر دی گئی ہے دنیاوی زندگی کا بالکل ابتدائی واقعہ ہے جس کا ذکر قرآن مجید میں خوبصورت انداز میں کیا گیا ہے جس میں حضرت آدم علیہ السلام کے بیٹے
ہابیل اور قابیل کی قربانی کا واقعہ بیان کیا گیا ہے جس میں دونوں کے درمیان باہمی تنازعہ کے فیصلے کے لیے دونوں نے
قربانی کی جس میں ہابیل کی قربانی کو قبولیت کی شر ف عطا کی گئی کیونکہ وہ حق پر تھا اور قابیل کی قربانی قبول نہیں ہوئی
جس پر قابیل کوہابیل سے حسد ہوا اور یوں روئے زمین پر قتل جیسا گناہ پہلی بار ہوا جب کبھی قابیل نے ہابیل کو قتل کر دیا قربانی کی یہی روایت چلی آ رہی تھی کہ حضرت ابراہیم علیہ السلام خواب دیکھتے ہیں کہ وہ اپنے نور نظر لخت جگر روح پرور بیٹے حضرت اسماعیل علیہ السلام کو قربان کر رہے ہیں یہ خواب نہیں تھا اللہ کی طرف سے وحی تھی کیونکہ پیغمبروں کے خواب وحی ہوتے تھے یوں انہوں نے اپنے لاڈلے بیٹے کو قربان کرنے کے لئے تیار کیا انہوں نے سوال نہیں کیا انہوں نے یہ نہیں کہا
کہ میں اپنے بیٹے کو قربان نہیں کروں گا کیونکہ میرے بڑھاپے کا سہارا ہے بلکہ انہوں نے حکم کی تعمیل بجا لائی اور یہی قربانی کا مقصد ہے کہ بندہ ہر وقت تیار رہیں اپنے رب کی اطاعت اور فرمانبرداری کے لئے اللہ تعالی کے حکم کو اپنے تمام خواہشات پر مقدم رکھے اپنی جان مال اور اولاد کی محبت پر اللہ کی محبت کو غالب رکھے اپنے نفس کو لگام دیں کہ وہ سرکشی اختیار نہ کرے اپنے نفس کو اللہ تعالی کے قائم کردہ حدود کا پاسدار بنائیں یہی قربانی کی حقیقت اور مقصد ہے ہر سال قربانی ہمیں یہاں یہی سبق دیتی ہے
کہ ہمیں اللہ تعالی کو راضی کرنے کے لیے اپنی خواہشات اور اپنا سب کچھ قربان کرنا آجائے حضرت ابراہیم علیہ السلام کے واقعے سے ہمیں بہت بڑا سبق ملتا ہے کیونکہ اولاد سےاس دنیا میں کوئی چیز انسان کو عزیز نہیں ہوتی جب انہوں نے اپنے اس اولاد کو قربان کرنے سے دریغ نہیں کیا جو انہیں بہت دعاؤں اور منتوں کے بعد عطا کی گئی تھی تو باقی دنیا کی تو ساری چیزیں ثانوی ہیں ۔قرآن پاک میں ارشاد ہوتا ہے کہ اللہ تعالی تک تمہارا خون اور گوشت نہیں پہنچتا بلکہ اس تک تمہارا دلی تک ہوا پہنچتا ہے اللہ تعالی ہم سب کو کامل ایمان کے ساتھ قربانی کی سنت ادا کرنے کی توفیق عطا فرمائے امین
