مائے نی مائے سن
از قلم صائمہ سحر
صنف: نظم
عنوان: مائے نی مائے سن
ماۓ نی ماۓ سُن
ماۓ نی ماۓ سن
سن میرے دل دے دُکھڑے نُوں
میں ترسی تیرے مُکھڑے نُوں
ہر پاسے دُھپ، نہ کدھرے چھاں
میں تیرے پیار نوں ترسی ہاں
ماۓ نی ماۓ سُن
ماۓ نی ماۓ سُن
ہُن کوٸی گل نال لاندا نہیں
ماں ورگے لاڈ لڈاندا نہیں
میں رب دے اگّے عرض کراں
ہُن کدی نہ وِچھڑے کسے دی ماں
ماۓ نی ماۓ سُن
ماۓ نی ماۓ سُن
اس جگ دی دُھپ وچ سی اوہ چھاں
میتھوں رب کیوں کھو لٸی میری ماں
تینوں رو رو سحر بُلاندی نی
اک واری تے گل لاندی نی
ماۓ نی ماۓ سُن
ماۓ نی ماۓ سُن