قلم چھوڑ ہڑتال کو آج 40 روز گزر گئے مگر ارباب اختیار کے کانوں پر جوں تک نہیں رینگی
اگر حکومت وقت نے وکلاء کے مطالبات پورے نہ کیے تو عباسپور شہر میں سرکاری گاڑی کا چلنا بند کر دیں گئے
عباسپوربار ایسوسیشن عباسپور کی جانب سے عدالت کی بلڈنگ کی تعمیر، ایڈیشنل سیشن جج کی تعیناتی اور وکلاء چیمبر کی تعمیر سمیت دیگر مطالبات کے ساتھ احتجاج جاری۔ قلم چھوڑ ہڑتال کو آج 40 روز گزر گئے مگر ارباب اختیار کے کانوں پر جوں تک نہیں رینگی۔
حکومت وقت اور انتظامیہ کی بے حسی دیکھ کر آج انجمن تاجران عباسپور نے شٹر ڈاون کر کے میلاد چوک عباسپور میں احتجاجی مظاہرہ کر کے وکلا کے ساتھ اظہار یکجہتی کیا۔ اس موقع پر مقررین کا کہنا تھا کہ اگر حکومت وقت نے وکلاء کے مطالبات پورے نہ کیے تو عباسپور شہر میں سرکاری گاڑی کا چلنا بند کر دیں گئے۔
احتجاجی مظاہرے سے صدر انجمن تاجران عباسپور شیخ نذیر صاحب، سابق صدور سردار حیات صاحب، سردار فیاض خان صاحب، صدر بار ایسوسیشن عباسپور سردار مشتاق صاحب نے بھی خطاب کیا۔
