ایبٹ آباد عباس مجید خان مروت کا تھانہ کینٹ اور چوکی سکندر آباد کا تفصیلی دورہ
ایبٹ أباد(رپورٹ:وقاص باکسر ) ضلعی پولیس سربراہ ایبٹ آباد عباس مجید خان مروت کا تھانہ کینٹ اور چوکی سکندر آباد کا تفصیلی دورہ
تفصیلات کے مطابق ضلعی پولیس سربراہ ایبٹ آباد عباس مجید خان مروت نے گزشتہ روز تھانہ کینٹ ایبٹ آباد اور پولیس پوسٹ سکندر آباد کا تفصیلی دورہ کیا اس موقع پر ضلعی پولیس سربراہ ایبٹ آباد نے تھانہ کینٹ اور چوکی سکندرآباد میں جاری تزہین و آرائش اور تعمیراتی کاموں کا جائزہ لیا اور اطمینا ن کا اظہار کرتے ہوئے
ڈی ایس پی کینٹ، ایس ایچ او کینٹ اور انچارج چوکی سکندر آباد کو شاباش دیتے ہوئے کام کے جلد تکمیل کی ہدایت کی۔ اسی موقع پر ضلعی پولیس سربراہ ایبٹ آباد نے چوکی اور تھانہ کا مکمل معائنہ کیا حوالات میں موجود ملزمان کے بارے میں پوچھ گچھ کی جبکہ رہائشی بیرکس میں پولیس ملازمین کو تمام تر سہولیات مہیا کرنے کی ہدایت کے ساتھ تھانہ میں آئے سائلین کو عزت و احترام اوراور ان کے
مسائل ترجیح بنیادوں پر حل کرنے کی ہدایت کی ضلعی پولیس سربراہ نے تھانہ کینٹ اور چوکی سکندر آباد کا ریکارڈ چیک کرنے کے ساتھ ساتھ کوت میں موجود اسلحہ کی بھی جانچ پڑتال کی۔
وزٹ مکمل کرنے کے بعد ضلعی پولیس سربراہ ایبٹ آباد عباس مجید خان مروت نے فوارہ چوک سے کمپلیکس روڈ کا مکمل جائزہ لیا اور ٹریفک کی روانی کو بہتر رکھنے کے حوالے سے ٹریفک سٹاف کو خصوصی ہدایات دیں۔
