وزیراعظم عمران خان کے قومی کرکٹ ٹیم کو جیت کیلئے مشورے
اسلام آباد(فائزہ شاہ کاظمی)وزیراعظم عمران خان نے قومی کرکٹ ٹیم کو مشورہ دیتے ہوئے کہا ہے کہ پاکستان اور بھارت کے درمیان آج کھیلے جانے والے میچ میں اسپیشلسٹ بلے بازوں اور بالرز کو کھلائیں،
پاکستان کو ریلو کٹوں پر انحصار نہیں کرنا چاہئے۔وزیراعظم عمران خان نے پاکستان کرکٹ ٹیم کے کپتان سرفراز کیلئے ٹوئٹر پر پیغام جاری کرتے ہوئے کہا کہ کپتان سرفراز احمد کو لازمی ٹاس جیت کر بیٹنگ کرنی چاہیے اور جیت کی حکمت عملی کو مد نظر رکھتے ہوئے
تجربہ کار بلے بازوں اور بولروں کے ساتھ میدان میں اترنا چاہیے کیوں کہ ‘ریلو کٹے دباؤ میں اکثر کم ہی پرفارم کرتے ہیں اور آج اسی سوچ کے ساتھ اترنا چاہیے۔انہوں نے کہا کہ کرکٹ کیرئیر شروع کیا تو لگتا تھا ستر فیصد کامیابی ٹیلنٹ جبکہ تیس فیصد دماغ سے ملتی ہے مگر جب کرکٹ کیرئیر کا
اختتام ہوا تو تناسب ففٹی ففٹی تھا۔وزیراعظم کا مزید کہنا تھا کہ آج میں گواسکر سے اتفاق کرتا ہوں کہ کھیل کیلئے ساٹھ فیصد دماغ چالیس فیصد ٹیلنٹ ضروری ہے۔واضح رہے کہ مانچسٹر میں ہونے والے دنیائے کرکٹ کے سب سے اہم مقابلے میں پاکستان کرکٹ ٹیم کے کپتان سرفراز احمد نے ٹاس جیت کر پہلے بولنگ کا فیصلہ کیا ہے۔
When I started my cricketing career I assumed success was 70% talent & 30% mind. By the time I finished playing cricket I felt it was 50-50 ratio. But now I tend to agree with my friend Gavaskar it's 60% mental strength & 40 % talent. Today role of mind will be more than 60% 1/5
— Imran Khan (@ImranKhanPTI) June 16, 2019
