کرپشن نے ملک کی بنیادوں کو کھوکھلا کر دیا ہے، روبینہ انصاری
قصور(رپورٹ:مقصودانجم کمبوہ) پی ٹی آئی کی سینئر رہنما مس روبینہ انصاری نے کہا ہے کہ کرپشن نے ملک کی بنیادوں کو کھوکھلا کر دیا ہے آج ملک کی معیشت کو تباہ کرنے کے ذمہ دار نااہل حکمران ہیں جنہوں نے قومی وسائل کو بے دردی کے ساتھ لوٹا ہے اور بیرون ملک اربوں ڈالڑوں کی جائیدادیں بنا کر غداری کی ہے جس کی معافی کسی ریاست کے قانون ودستور میں نہیں ہے یہ قوم کے مجرم ہیں ان کو رعائت دینا بھی ملک سے غداری ہے اور برابر کا جرم ہے
ملک کووزیراعظم عمران خان کی قیادت ملنا خوش قسمتی ہے جن کی وجہ سے آج ڈوبی ہوئی معیشت مستحکم ہو رہی ہے ملک کے اند ایک نیا نظام رائج ہو رہا ہے جس میں صرف عوام کی حکمرانی ہو گی ان
خیالات کا اظہارمیڈیا سے گفتگو کرتے ہوئے کیا انہوں نے کہا کہ کرپٹ ٹولہ عوام کو دوبارہ گمراہ کرنے کیلئے سرگرم ہو گیا ہے مگر عوام با شعورر ہو گئی ہے اب ان کی باتوں میں نہیں آئے گی ان کی کرپشن کے گرد گھیرا تنگ ہو رہا ہے اس لیے ان کی چیخیں نکل رہی ہے
