بھارت کی سابق وزیرخارجہ سشما سوراج انتقال کرگئیں
نئی دہلی: بھارت کی سابق وزیرخارجہ اور بھارتیہ جنتا پارٹی (بی جے پی) کی سینئر رہنما سشما سوراج 67 سال کی عمر میں انتقال کرگئیں۔
بھارتی میڈیا کے مطابق سابق وزیر خارجہ کو دل کی تکلیف کے باعث دہلی کے مقامی اسپتال منتقل کیا گیا تھا جہاں وہ دوران علاج چل بسیں۔
انتقال سے 3 گھنٹے قبل اپنی آخری ٹوئٹ میں سشما سوراج نے وزیراعظم نریندر مودی کا شکریہ ادا کیا تھا
प्रधान मंत्री जी – आपका हार्दिक अभिनन्दन. मैं अपने जीवन में इस दिन को देखने की प्रतीक्षा कर रही थी. @narendramodi ji – Thank you Prime Minister. Thank you very much. I was waiting to see this day in my lifetime.
— Sushma Swaraj (@SushmaSwaraj) August 6, 2019
اپنی ٹوئٹ میں ان کا کہنا تھا کہ میں اپنی زندگی میں اسی دن کو دیکھنے کی منتظر تھی۔ البتہ سشما سوراج نے ٹوئٹ میں یہ تذکرہ نہیں کیا کہ وہ کس بات پر مودی کی شکر گزار ہیں۔
سشما سوراج گردوں کے عارضے میں بھی مبتلا تھیں اور بیماری کی باعث انہوں نے 2019 میں لوک سبھا کا انتخاب بھی نہیں لڑا تھا۔
سشما سوراج بھارتی وزیراعظم نریندر مودی کے پہلے دور حکومت میں وزیرخارجہ رہیں اور اس کے علاوہ وہ بھارتی ریاست نئی دہلی کی 1998 میں وزیراعلیٰ بھی رہیں اور انہیں دہلی کی پہلی خاتون وزیراعلیٰ ہونے کا اعزاز بھی حاصل تھا۔
سابق وزیرخارجہ سشما سوراج اٹل بہاری واجپائی کی کابینہ کا بھی حصہ تھیں۔
