سماج دشمن عناصر معاشرہ کیلئے ناسور ہیں ان کا خاتمہ میری اولین ترجیح ہے پتوکی ایس ایچ او
پتو کی(محمد یوسف تبسم تحصیل رپورٹر ) سماج دشمن عناصر معاشرہ کیلئے ناسور ہیں ان کا خاتمہ میری اولین ترجیح ہے امن وامان کی صورتحال پر کسی قسم کا کوئی سمجھوتہ قبول نہیں ۔ان خیالات کا اظہار تھانہ سٹی پتوکی کے ایس ایچ او نصراللہ بھٹی نے سٹی پریس کلب کے وفد سے ملاقات کے دوران کیا۔انہوں نے کہا کہ اپنے علاقے میں جوا ، شراب ، منشیات اور جسم فروشی جیسے سنگین جرائم کاخاتمہ میری اولین ترجیحات میں سے ہیں۔مٹھی بھر شرپسند عناصر کے ساتھ آہنی ہاتھوں سے نمٹا جائے گا۔جرائم پیشہ افراد کے خلاف بلاامتیاز کاروائیاں جاری رہیں گی ۔
جرائم پیشہ عناصر اپنا قبلہ درست کر لیں یا پھر قانونی کاروائی کیلئے تیار رہیں ۔۔انہوں نے مزید کہا کہ سماج دشمن عناصر ، اشتہاری مجرموں ، منشیات فروشوں اور جرائم پیشہ افراد کے خلاف خصوصی مہم شروع کر دی گئی ہے عوام کا بھی فرض ہے کہ وہ بھی پولیس کے ساتھ تعاون کریں تاکہ سماج دشمن عناصر کے گرد گھیرا تنگ کیا جاسکے انہوں نے کہا کہ میرے دروازے عوام کیلئے ہر وقت کھلے ہیں وہ اپنے مسائل کے حل کیلئے جب چاہیں میرے پاس آئیں انہیں مایوس نہیں کرونگا۔بلکہ ان کی شکایات کا ازالہ ترجیحی بنیادوں پر کیا جائے گا۔
91
