تھانہ جاتلی کے علاقہ ڈہوک شمس میں راستے کے تنازعے پر بھائی کے ہاتھوں بھائی قتل،بھتیجا زخمی،
دولتالہ(نامہ نگار) تھانہ جاتلی کے علاقہ ڈہوک شمس میں راستے کے تنازعے پر بھائی کے ہاتھوں بھائی قتل،بھتیجا زخمی،اطلاع ملتے ہی پولیس کی بھاری نفری پہنچ گئی،4افراد کے خلاف مقدمہ درج،گرفتاری عمل میں نہیں آ سکی،واقعات کے مطابق سگے بھائیوں کے مابین گیٹ لگانے پر تنازعہ شدت اختیار کرگیا اور لڑائی کے دوران آتشیں اسلحہ کا ستعمال کیا گیا جس میں ظہور،منیب،داؤد،افتخار نامی افراد نے اپنے بھائی 50سالہ نثار ولد سردار اور اس کے بیٹے
ذیشان ولد نثار کو12بور کے فائر مار کرشدید زخمی کردیا جس سے نثار موقع پر ہی جاں بحق ہو گیا جبکہ ذیشان کو طبی امداد کیلئے دیہی مرکز صحت دولتالہ لیجایا گیااور بعد ازاں راولپنڈی منتقل کردیا گیا،واقعہ کی اطلاع ملتے ہی پولیس تھانہ جاتلی کی بھاری نفری موقع واردات پر پہنچ گئی،نعش کو پسٹمارٹم کیلئے گوجرخان منتقل کردیا گیا جبکہ مقدمہ درج کرکے مزید تفتیش کا آغاز کردیا گیا،آخری اطلاع آنے تک تا حال کوئی گرفتاری عمل میں نہیں لا جاسکی تھی۔
