اپوزیشن سے اپیل ہےکہ چند ہفتوں کیلیے سیاست کو بھول جائیں، فردوس عاشق اعوان
لاہور( بیوروچیف)وزیراعلیٰ پنجاب کی معاون خصوصی فردوس عاشق اعوان نےکہا ہےکہ بلاول سمیت تمام اپوزیشن سے اپیل ہے کہ چند ہفتوں کے لیے سیاست کوبھول جائیں۔
ایک بیان میں فردوس عاشق اعوان کا کہنا تھا کہ ایس او پیز پر عمل کروانا انتظامیہ کی اولین ترجیح ہے، عوام غیر ضروری شاپنگ اور بازاروں میں رش کرکے بچوں کا مستقبل خطرے میں ڈال رہےہیں ،عوام کی بہتری کے لیے فوج کی مدد لے سکتے ہیں۔
ان کا کہنا تھا کہ بلاول سمیت تمام اپوزیشن سے اپیل ہے کہ چند ہفتوں کےلیےسیاست کو بھول جائیں،غلطی کی کسی کے پاس گنجائش نہیں ہے، سبھی لوگوں سے اپیل ہے کہ کورونا ایس او پیز پر عمل کریں۔
