زرخیز مٹی
تحریر:خرم شہزاد ملک نائب صدر سٹی پریس کلب رجسٹرڈ ہارون آباد کوارڈینیٹر بہاولنگر جرنلسٹ فاؤنڈیشن پاکستان
موبائل نمبر،03332576800-03005392552
نہیں ہے نا اُمید اقبال اپنی کشتِ ویراں سے
ذرا نم ہو تو یہ مٹی بڑی زرخیز ہے ساقی
ضلع بہاولنگر کی تحصیل ہارون آباد کی اس زرخیز مٹی نے بڑے انمول ہیرے پیدا کئے اس شہر میں بڑے بڑے نامور سیاستدانوں نے جنم لیا ہے اسی لئے یہ شہر وزیروں کا شہر بھی کہلواتا ہے اب بات کریں شعبہ صحافت کی تو صحافت ایک مقدس پیشہ ہے اور صحافت ریاست کا چوتھا ستون بھی ہے آج ہم جس شخصیت کا تعارف کروانے جا رہے ہیں وہ شخصیت کسی بھی تعارف کی محتاج نہیں ہے یاسر چوہدری معروف اور سینیئر صحافی ہیں آپ بطور صدر عوامی پریس کلب ہارون آباد اور تحصیل صدر پاکستان فیڈرل یونین آف جرنلسٹ اپنی ذمہ داریاں بڑے احسن طریقے سے سر انجام دے رہے ہیں
آپ تاجر برادری کو درپیش مسائل کے حل لئے ہمیشہ ان کی آواز بنتے ہیں مجبور اور مظلوم کی آواز اٹھا کر ان کی آواز اربابِ اختیار تک پہنچاتے ہیں علاقائی اور عوامی مسائل کو اجاگر کرتے ہیں اور ان کے لئے ہمیشہ سرگرم عمل رہتے ہیں اس کے علاوہ آرائیں کمیونٹی کے لئے بھی اپنا موثر کردار نبھا رہے ہیں آپ مظلوم اور مجبور افراد کے
ساتھ شانہ بشانہ کھڑے ہوتے ہیں آپ شہرت ملنے کے باوجود خوش اخلاق ہونے کے علاوہ خوش طبعیت اور اعلیٰ ظرف کے مالک ہیں آپ ہر کسی سے بڑے پیار اور محبت سے پیش آتے ہیں آپ کے چہرے پر ہمیشہ مسکراہٹ دکھائی دیتی ہے آپ صحافت کے علاوہ قانونی داؤ پیچ بھی خوب سمجھتے ہیں کیونکہ یہ داؤ پیچ آپ کو وراثت میں اپنے والد محترم سے حاصل ہوئے ہیں آپ کے والد محترم حاجی محمد رزاق انور ایڈووکیٹ ماہر قانون دان ہیں
اس لئے آپ قانونی نقطوں کو بخوبی سمجھتے ہیں آپ سے عزیز و اقارب سمیت دوست احباب اور حلقہ احباب مخلصانہ مشورے بھی حاصل کرتے ہیں آپ اپنی صحافی برادری کی خلوص دل سے عزت کرتے ہیں اور اپنی صحافی برادری کے لئے نیک خواہشات رکھتے ہیں یہی وجہ ہے کہ آپ کو اہل علاقہ میں عزت کی نگاہ سے دیکھا جاتا ہے آپ کا کہنا ہے کہ ضلع بھر میں صحافی برادری ٹوٹ پھوٹ کا شکار ہے جو کہ نہایت ہی افسوسناک ہے
صحافی برادری کو اپنا کھویا ہوا مقام حاصل کرنے کے لئے متحد ہونا ضروری ہے مشہور کہاوت ہے کہ اتفاق میں برکت ہے تمام صحافی برادری اپنی عدواتوں اور مخالفتوں کو ختم کرکے متحد ہو جائے تاکہ صحافی برادری بھی وکلاء برادری کی طرح مضبوط بن سکے اور دوسرے شہروں کی طرح ضلع بہاولنگر کی صحافی برادری کو بھی
صحافی کالونی، ہیلتھ کارڈ، بچوں کی اچھے سکول کالجز میں مفت تعلیم اور دیگر سہولتیں میسر ہو سکیں اور ضلع بھر کی صحافی برادری بھی دوسرے شہروں کے صحافیوں کی طرح گورنمنٹ آف پاکستان کی طرف سے ملنے والی سہولتوں سے مستفید ہو سکیں
