مسیحی نوجوان نے مذہب اسلام سے متاثر ہوکر مذہب اسلام قبول کرلیا
ہارون آباد (خرم شہزاد ملک سے) مسیحی نوجوان نے مذہب اسلام سے متاثر ہوکر مذہب اسلام قبول کرلیا جامع رضویہ مظہر السلام کے مہتمم قاری غلام رسول سے کلمہ طیبہ کا شرف حاصل ہوا تفصیلات کے مطابق ہارون آباد ٹبہ شرقیہ کے رہائشی مسیحی نوجوان منی مسیح ولد صادق مسیح نے مذہب اسلام قبول کرکے نیا نام محمد علی ولد صادق رکھ لیا ہے مذہب اسلام قبول کرنے والے نوجوان محمد علی نے سٹی پریس کلب (رجسٹرڈ) ہارون آباد کے صحافیوں سے گفتگو کرتے ہوئے
کہا کہ میرے 3 بھائی اور 2 ہمشیرہ جو کہ مسیح مذہب سے منسلک ہیں اور ہارون آباد ٹبہ شرقیہ کے رہائش پذیر ہیں جبکہ میری ایک بہن پہلے ہی مذہب اسلام قبول کر کے مسلمان ہو گئی تھی جو کہ نارووال میں رہائش پذیر ہے میں اس کے پاس چلا جاؤں گا مجھے جب مذہب اسلام کے متعلق پتہ چلا پھر میرے دل میں حسرت پیدا ہوئی کہ میں مذہب اسلام قبول کرکے
مسلمان ہو جاؤں مذہب اسلام قبول کرنے والے نوجوان محمد علی کا مزید کہنا تھا کہ مجھے اپنی 36 سالہ زندگی اندھیروں میں گزارنے کے بعد محسوس ہوا کہ محمد صلی اللہ علیہ وآلہ وسلم اللہ تعالیٰ کے پیارے اور آخری نبی ہیں دین اسلام ہی مکمل ضابطہ حیات ہے اور دین اسلام سے منسلک رہ کر اپنی بقیہ زندگی گزاروں گا اس موقع پر اہل علاقہ کے معززین فیاض کلو، محمد دلدار، علی محمد باجوہ، ملک بابر اور ملک شاہد محمود تبسم بھی موجود تھے
