صدر، وزیراعظم سمیت دیگر سیاسی شخصیات کا عمر شریف کے انتقال پر اظہارِ افسوس

صدر، وزیراعظم سمیت دیگر سیاسی شخصیات کا عمر شریف کے انتقال پر اظہارِ افسوس

صدر مملکت عارف علوی اور وزیراعظم عمران خان سمیت دیگر سیاسی شخصیات نے عمر شریف کے انتقال پر افسوس کا اظہار کیا ہے۔

صدر مملکت نے عمر شریف کے انتقال پر اظہار افسوس کرتے ہوئے کہا کہ عمر شریف منفرد حس مزاح کے مالک تھے، انہوں نے کامیڈی کی دنیا میں منفرد مقام بنایا، اللہ تعالیٰ مرحوم کو غریقِ رحمت اور اہل خانہ کو صبر جمیل عطا فرمائے۔

وزیراعظم عمران خان نے اپنے بیان میں کہا کہ عمرشریف بے شمارصلاحیتوں کے مالک اور فنون لطیفہ میں منفرد مقام رکھتے تھے، فن کے شعبے میں ان کی خدمات کویاد رکھاجائےگا

وزیراعلیٰ پنجاب عثمان بزدار،  وزیراعلیٰ سندھ مراد علی شاہ، گورنر سندھ عمران اسماعیل نے بھی عمر شریف کے انتقال پر افسوس کا اظہار کیا ہے۔

Saddened to learn of Umar Sharif's passing. I had the good fortune of touring with him to raise funds for SKMT. He was one of our great entertainers and will be missed. My prayers & condolences go to his family.

— Imran Khan (@ImranKhanPTI) October 2, 2021