مردان پولیس کی کامیاب کارروائی پانچ افراد گرفتار اسلحہ ومنشیات برآمد
مردان(شاہ باباحبیب عارف سے)تفصیلات کے مطابق ڈی پی او ڈاکٹرزاہداللہ کا جرائم پیشہ عناصر کے خلاف جاری خصوصی احکامات کی روشنی میں تھانہ شہبازگڑھ اور تھانہ چورہ پولیس نے ایس ایچ او منظورخان اور ایس ایچ او مدثرخان کی قیادت میں کامیاب کارروائیاں کرتے ہوئے 02 مجرمان اشتہاریوں سمیت 02 جرائم پیشہ افراد کو اسلحہ سمیت گرفتارکرلیا۔
گرفتارملزمان میں تھانہ شہبازگڑھ پولیس نے 506کے مقدمہ میں نامزد دو ملزمان نیازعلی ولد عثمان سکنہ صوابی، شاہ حسین ولد سید محمد
سکنہ بٹ سیرئی جبکہ تھانہ چورہ پولیس نے اقدام قتل کے مقدمہ میں مطلوب مجرم اشتہاری شایان ولد عمرغنی سکنہ شاخ بانڈہ اور مجرم اشتہاری شاہ زیب ولد سلطان جان سکنہ پشاور کو گرفتارکرکے انکے قبضے سے مجموعی طور پر 01 کلاشنکوف، 01 ایم 16، 01 بندوق،04 پستول اور 300 عدد کارتوس برآمد جبکہ منشیات فروشوں کے خلاف کارروائی کرتے ہوئے تھانہ چورہ پولیس نے 01 ایک منشیات فروش انور علی شاہ ولدفضل شاہ سکنہ گجرات کو گرفتارکرکے اسکے قبضے سے 943 گرام چرس برآمد ہوکر گرفتارملزمان کے خلاف مقدمات درج کئے گئے۔
