چیئرمین یوسی سید قلب عباس اور یونین کونسل دولتالہ ٹو میں چیئرمین چوہدری جمشید علی نے وائس چیئرمین اور کونسلرز کے ہمراہ چارج سنبھال لیا
دولتالہ(نامہ نگار) بلدیاتی اداروں کی بحالی کے بعد یونین کونسل دولتالہ میں چیئرمین یوسی سید قلب عباس اور یونین کونسل دولتالہ ٹو میں چیئرمین چوہدری جمشید علی نے وائس چیئرمین اور کونسلرز کے ہمراہ چارج سنبھال لیا گزشتہ روز بلدیاتی نمائندگان ایک بڑے جلوس کے ہمراہ دفاتر پہنچے جہاں انکا فقید المثال استقبال کیا گیا پارٹی کارکنان کی جانب سے انہیں پھولوں کے ہار پہنائے گئے
اور پھولوں کی پتیاں کی نچھاور کی گئیں عمائدین علاقہ اور پارٹی کارکنان سے گفتگو کرتے ہوئے بلدیاتی نمائندوں کا کہنا تھا کہ عوامی خدمت کے سلسلے کو دراز کیا جائے گا ہمارے دروازے عوام کے لیے ہمیشہ کھلے ہیں عوام الناس کی جانب سے بلدیاتی اداروں کی بحالی پر خوشی کا اظہار کیا گیا
