ورلڈٹی ٹوئنٹی: بھارت سیمی فائنل کی دوڑ سے باہر ہونے سے بچ گیا، افغانستان کو شکست
ورلڈٹی ٹوئنٹی: بھارت سیمی فائنل کی دوڑ سے باہر ہونے سے بچ گیا، افغانستان کو شکست
آئی سی سی مینز ٹی ٹوئنٹی ورلڈ کپ کے سپر 12 مرحلے میں گروپ 2 کے میچ میں بھارت نے افغانستان کو یکطرفہ مقابلے کے بعد 66 رنز سے شکست دیکر ایونٹ میں پہلی کامیابی حاصل کرلی۔
بھارت کے 211 رنز کے ہدف کے تعاقب میں افغانستان نے مقررہ 20 اوورز میں7 وکٹوں کے نقصان پر 144 رنز بنائے، کریم جنت 42 اور کپتان محمد نبی 35 رنز بناکر نمایاں رہے۔
India are off the mark ✅#T20WorldCup | #INDvAFG | https://t.co/ZJL2KKL30i pic.twitter.com/llszZPMNtH
— T20 World Cup (@T20WorldCup) November 3, 2021
ابو ظبی میں کھیلے گئے میچ میں بھارت نے افغانستان کی پہلے بیٹنگ کی دعوت پر مقررہ 20 اوورز میں 2 وکٹوں کے نقصان پر 210 رنز بنائے، یہ رواں ورلڈکپ میں اب تک کا سب سے بڑا اسکور ہے۔
بھارت نے 2 جبکہ افغانستان کی ٹیم نے آج کے میچ کیلئے ایک تبدیلی کی۔
بھارت کے اسپنر روی ایشون کی ٹی ٹوئنٹی ٹیم میں 4 سال اور 4 مہینوں بعد ٹیم میں واپسی ہوئی ہے۔
Changes, changes…
Ishan 🔄 Suryakumar
Varun 🔄 Ashwin
Sharafuddin 🔄 AsgharTeams chasing have won six of the eight matches played in Abu Dhabi at this T20 World Cup 👀 https://t.co/cKDFkvvhhT | #INDvAFG | #T20WorldCup pic.twitter.com/tVZAb3tBi8
— ESPNcricinfo (@ESPNcricinfo) November 3, 2021
بھارت کی اننگز
بھارت نے افغانستان کے بولرز کی ایک نہ چلنے دی ، پہلے روہت شرما اور کے ایل راہول کے درمیان 140 رنز کی شراکت داری قائم ہوئی اس کے بعد ہاردک پانڈیا اور رشبھ نے افغان بولرز کی درگت بنائی۔
روہت شرما 47 گیندوں پر 74 رنز بناکر آؤٹ ہوئے جبکہ کے ایل راہول نے 69 رنز بنائے۔
اس کے علاوہ ہاردک پانڈیا 35 اور رشبھ پنٹ 27 رنز بناکر ناٹ آؤٹ رہے، بھارت نے 20 اوورز میں 2 وکٹوں کے نقصان پر 210 رنز بنائے۔
واضح رہے کہ یہ رواں ورلڈ کپ میں کسی بھی ٹیم کا سب سے زیادہ اسکور ہے۔
افغانستان کی اننگز
بھارت کے 210 رنز کے جواب میں افغانستان کے بیٹسمین ہدف کے قریب بھی نہ پہنچ پائے۔
افغانستان نے ہدف کے تعاقب میں مقررہ 20 اوورز میں 7 وکٹوں کے نقصان پر 144 رنز بنائے۔
افغانستان کے کریم جنت اور کپتان نبی کے علاوہ کوئی بھی افغان بیٹسمین بھارتی بولرز کا سامنا نہ کرسکا۔
کریم جنت 42 اور کپتان محمد نبی 35 رنز بناکر نمایاں رہے۔
بھارت کی جانب سے محمد شامی نے 3 اور ایشون نے 2 وکٹیں حاصل کیں۔
واضح رہے کہ بھارت کو ایونٹ میں پہلی کامیابی ملی ہے ، اس سے قبل اسے پہلے 2 میچز میں (پاکستان اور نیوزی لینڈ) سے شکست کا سامنا کرنا پڑا تھا۔
واضح رہے کہ آئی سی سی مینز ٹی ٹوئنٹی ورلڈکپ کے ساتویں ایڈیشن کا سپر 12 مرحلہ متحدہ عرب امارات میں جاری ہے۔
