دنیا و آخرت میں کامیابی کے لیے میلادالنبی منائیں اور سیرت رسول اپنائیں،علامہ ڈاکٹر مفتی وسیم عارف ضیائی
اسلام گڑھ(جاوید اقبال بٹ بیوروچیف)علامہ ڈاکٹر مفتی وسیم عارف ضیائی نے کہا ہے کہ دنیا و آخرت میں کامیابی کے لیے میلادالنبی منائیں اور سیرت رسول اپنائیں۔حضور نبی کریم کے نقش قدم پر چلتے ہوئے اپنی زندگی کو بامقصد بنانے کی ضرورت ہے۔نوجوان اپنی زندگی کو ضائع نہ کریں بلکہ اپنے آپ کو دین کے لیے وقف کر دیں۔والدین کی دل وجان سے خدمت کریں اور ان کے سامنے ترش لفظ تک نہ بولیں۔اہلیان بڑجن اور منتظمین محفل کو خوبصورت محفل میلادالنبی کے انعقاد پر مبارکباد پیش کرتا ہوں
۔ان خیالات کا اظہار انھوں نے میاں محمد بخش جامع مسجد بڑجن میں محفل میلاد مصطفی صلی اللہ علیہ وسلم سے خطاب کرتے ہوئے کیا۔ماسٹر محمد انور نے کہا کہ اچھی گفتگو اور بیان وہ ہے جو سامعین کی سوچ تبدیل کر دے۔ہم مسلمان ہیں ارکان اسلام پر عمل اور ایمان لا کر ہی کامیابی حاصل کی جاسکتی ہے۔محفل پاک کا باقاعدہ آغاز تلاوت کلام پاک سے حافظ محمد طلعت نے کیا۔جبکہ ہدیہ نعت پیش کرنے کی سعادت انوار عرفان،اسرار عرفان،حسنین الطاف نے پیش کیا۔اخر میں شرکاء محفل میں لنگر تقسیم کیا گیا۔
