اوورسیز پاکستانیوں کو ‘روٹی’ بوٹی’ اور فوٹو’ والوں سے نجات دلاونگا، کیپٹن عاصم ملک
دبئی(بیورورپورٹ) ان شاءاللہ اوورسیز پاکستانیوں کو روٹی، بوٹی اور فوٹو والوں سے نجات دلاونگا، روٹی، بوٹی اور فوٹو والوں کا کھیل بہت جلد ختم ہونے والا ہے، اوورسیز پاکستانی اپنے آپ کو تنہا نا سمجھیں مجھے ہر جگہ اپنے ساتھ پائیں گے، ان خیالات کا اظہار ترجمان اوورسیز پاکستانیز کیپٹن عاصم ملک نے اپنے ایک بیان میں کیا، انہوں نے کہا کہ اوورسیز پاکستانیوں کے مسائل حل نا ہونے کی کئی
وجوہات میں سے ایک اہم وجہ ہر دور میں ‘روٹی’ بوٹی’ اور فوٹو’ والوں کا اوورسیز پاکستانیوں کے نام پر کھلواڑ ہے، اس گھناونے طبقے نے ہر دور میں اوورسیز پاکستانیوں کے نام پر روٹی، بوٹی اور فوٹو فروغ دیا اور ہر موقع پر اوورسیز پاکستانیوں کو لوٹتے رہے، کیپٹن عاصم ملک نے کہا کہ اب ان کا یہ گھناونا کھیل ختم ہونے والا ہے، روٹی، بوٹی اور فوٹو والوں کا محاسبہ شروع ہے بہت جلد ان سب کو بے نقاب کرکے اوورسیز پاکستانیوں کو انکی اصلیت دکھاونگا، اوورسیز پاکستانی اطمئینان رکھیں جب تک میں زندہ ہوں اوورسیز پاکستانیوں کے حقوق کسی کو ہڑپنے نہیں کرنے دونگا،
