ایران میں نطنز جوہری پلانٹ کے قریب زوردار دھماکا سنا گیا ہے۔

 برطانوی خبر ایجنسی نے ایرانی خبررساں ادارے کے حوالے سے بتایا ہےکہ  نطنز  شہر میں جوہری پلانٹ کے قریب زور دار دھماکا سنا گیا ہے۔

خبر ایجنسی کے مقامی ذرائع نے تصدیق کی ہےکہ انہوں نے زور دار دھماکے کی آواز سنی ہے تاہم سرکاری طور پر اس کی تردید یا تصدیق نہیں کی گئی ہے۔

ایرانی خبر ایجنسی فارس نیوز کے مطابق دھماکے کے بعد آسمان پر تیز روشنی دیکھی گئی ہے۔

خیال رہے کہ اس سے قبل گذشتہ سال جولائی میں بھی نطنز جوہری پلانٹ میں ہونے والے دھماکے میں جوہری تنصیبات کو جزوی نقصان پہنچا تھا اور بعد ازاں ایرانی حکام نے تصدیق کی تھی یہ واقعہ تخریب کاری کا نتیجہ تھا۔