شیخوپورہ، لیڈز گروپ آف کالجز کے زیر اہتمام ٹیچرز ٹریننگ ورکشاپ کا اہتمام
شیخوپورہ(بیوروچیف/شیخ محمد طیب سے)شیخوپورہ میں لیڈز گروپ آف کالجز کے زیر اہتمام ٹیچرز ٹریننگ ورکشاپ کا اہتمام کیا گیا- تفصیلات کے مطابق چوہدری محمد حسین چٹھہ ای لائبریری ہال شیخوپورہ میں لیڈز گروپ آف کالجز کے زیر اہتمام ٹیچرز ٹریننگ ورکشاپ کا اہتمام کیا گیا جس میں اساتذہ کرام کے ساتھ خصوصی میٹنگ کا اہتمام بھی کیا گیا- اس ٹریننگ ورکشاپ میں دو سیشن کروائے گئے-
نظامت کے فرائض معروف ادیب و شاعر پروفیسر عظمان الرحمٰن اعظم نے انجام دئیے جسمیں 14 کیمپس کے اساتذہ کرام نے شرکت کی- ہیڈ آف گوجرانوالہ کیمپسز حافظ عبدالرحمٰن، پرنسپل شیخوپورہ کیمپس بلال جمیل، وائس پرنسپل عثمان مہر، سپورٹس انچارج عمر محبوب، سینئر ماہر تعلیم مس حمیرہ بشیر، کنٹرولر ایگزامینیشن مہرین سرفراز، آسیہ اشرف، ایڈمن آفیسر عشبہ فرخ، ایڈمنسٹریٹر ماہنم ملک، ہیڈ آف ڈیپارٹمنٹ کامرس سید علی رضا نقوی، ہیڈ آف ڈیپارٹمنٹ فزکس مدثر منہاس،
ہیڈ آف ڈیپارٹمنٹ میتھمیٹکس حماد افضل، ہیڈ آف ڈیپارٹمنٹ کمپیوٹر احتشام ارشد، ہیڈ آف ڈیپارٹمنٹ اسلامیات حافظ اسد قادری خصوصی طور پر شریک ہوئے- علاوہ ازیں اس موقع پر لیڈز گروپ آف کالجز کے 14 کیمپسز کے اساتذہ کرام نے کثیر تعداد میں شرکت کی- اس موقع پر حافظ عبدالرحمٰن نے اساتذہ کی فنی صلاحیتوں کو اجاگر کرنے اور ان میں مزید مہارت پیدا کرنے کے لئے خصوصی لیکچرز دئیے۔ اس موقع پر سینئر ماہر تعلیم مس حمیرہ بشیر کا کہنا تھا کہ لیڈز گروپ آف کالجز اپنی انفرادیت برقرار رکھتے ہوئے
تعلیمی میدان میں بہترین خدمات کا حامل ہے اور اس کے تحت شیخوپورہ کی سرزمین پر منفرد نوعیت کے اس ٹیچرز ٹریننگ ورکشاپ کے انعقاد پر انتظامیہ مبارکباد کی مستحق ہے۔ اس ٹریننگ ورکشاپ میں صحافی و کالمسٹ، جنرل سیکرٹری الائیڈ پریس کلب رجسٹرڈ پنجاب شیخ محمد طیب کے علاوہ دیگر صحافیوں واجد عظیم خان اور میاں طیب نے بھی شرکت کی
