سنگجانی اسلام آباد میٹروواچ کے بیوروچیف صحافی قاسم جمشید کا اٹک پریس کلب رجسٹرڈ کیمپ آفس کا دورہ
سنگجانی (بیورو رپورٹ) اسلام آباد میٹروواچ کے بیوروچیف صحافی قاسم جمشید نے اٹک پریس کلب رجسٹرڈ کیمپ آفس کا دورہ کیا اس موقع پر اٹک پریس کلب رجسٹرڈ کے چئیرمین شیخ فیصل جاوید کو اٹک پریس کلب کے چئیرمین منتخب ہونے پر انہیں اور انکی پوری ٹیم کو مبارکباد پیش کی۔انہوں نے کہا
کہ اٹک میں صحافیوں کو بہت سے مسائل کا سامنا ہے مناسب یہ ہے کہ تمام صحافی اٹک پریس کلب کے سایہ تلے متحد ہو کر عوامی مسائل کی ترجمانی کریں اور نئے آنے والے تمام نوجوان صحافیوں کو خوش آمدید کہیں اور انہیں صحافت کی عملی تربیت دیں تاکہ مسائل کی مثبت نشان دہی ہو سکے ۔انہوں نے کہا
کہ اٹک پریس کلب کی سرکاری بلڈنگ کے حصول کے لیے راولپنڈی اسلام آباد کے تمام صحافی اٹک پریس کلب کے شانہ بشانہ کھڑے ہیں اٹک پریس کلب کی بلڈنگ اٹک کے صحافیوں کا گھر ہے جو انہیں دینا لازمی ہے کیونکہ اٹک میں بھی عوامی مسائل دوسرے شہروں کی طرح گھمبیر ہیں۔ملاقات میں نیوز ون اٹک کے ڈسٹرکٹ رپورٹر ایازخان،اور روزنامہ میٹرو واچ کے بیورو چیف ڈاکٹر لیاقت منیر قادری بھی موجود تھے۔۔
