خانیوال تھانہ صدر کبیروالا پولیس کی ڈکیت گینگ کے خلاف بڑی کامیابی بین الاضلاعی ڈکیت گینگ کے 04 سرگرم رکن گرفتار
خانیوال 22فروری22(سعید احمد بھٹى ڈسٹرکٹ رپورٹر خانیوال)ڈی پی او سیدندیم عباس کی گائیڈ لائن اورضروری ہدایات کی روشنی میں ڈکیت گینگزکے خلا ف کاروائی جاری ہے اس ضمن میں تھانہ صدر کبیروالا پولیس نے ڈکیت گینگ کے خلاف بڑی کامیابی کرتے ہوئے بین الاضلاعی ڈکیت مختیار عرف ماکھا چدھڑ گینگ کے 04 سرگرم رکن گرفتارکرلیے۔
یہ بات ڈی پی او سیدندیم عباس کی ہدایت پر ایس ڈی پی او کبیروالا ملک راشد تھہیم نے پریس کانفرنس کرتے ہوئے بتائی۔انہو ں نے کہاکہ بین الاضلاعی ڈکیت مختیار عرف ماکھا چدھڑ گینگ خانیوال سمیت ملتان، جھنگ، مظفر گڑھ کے علاقو ں میں گھروں میں ڈکیتی کی وارداتوں میں ملوث تھاجس سخت نوٹس لیت ہوئے ڈی پی او سیدندیم عباس نے ایس ڈی پی او کبیروالا کی زیرنگرانی ایس ایچ او تھانہ صدرکبیروالا محمد امین جھنڈیرپر مشتل ٹیم تشکیل دی‘ٹیم نے دن رات محنت کرکے اوراپنے انفارمیشن ذرائع کو بروئے کارلاتے ہوئے
ڈکیت گینگ میں ملوث ملزمان کو پتہ لگایا اوربین الاضلاعی ڈکیت مختیار عرف ماکھا چدھڑ گینگ کے 04 سرگرم رکن شوکت، جابر، غفور اور الطاف کوگرفتارکیا اوران کے قبضہ سے 09 لاکھ سے زائد نقدی ومال مسروقہ اور ناجائز اسلحہ بھی برآمدکرلیا۔ڈی پی او کی طرف سے صدر کبیروالا پولیس ٹیم کو شاباش دی گئی۔
