شیخوپورہ: محلہ رفاقت آباد کی گلیوں میں غلاظت و نکاسی آب کے مسائل بڑھنے لگے، علاقہ مکینوں کا شدید احتجاج
شیخوپورہ(بیوروچیف/شیخ محمد طیب سے)شہر شیخوپورہ کے علاقہ محلہ رفاقت آباد کی گلیوں میں غلاظت و نکاسی آب کے مسائل بڑھنے لگے جہاں علاقہ مکینوں کا جینا محال ہوچکا ہے، جگہ جگہ غلاظت زدہ بدبودار پانی کی بدولت تعفن پھیل رہا ہے اور نکاسی آب کے مسائل بڑھ چکے ہیں جن کی بدولت بچے اور بڑے موزی امراض کا شکار ہونے لگے، آمدورفت میں شدید مشکلات درپیش ہیں، بچے سکول جانے سے قاصر ہیں،
صرف یہی نہیں بلکہ علاقہ مکیں محلہ کی قریبی مسجد میں عبادت کے لئے جانے سے قاصر ہیں- علاقہ مکینوں نے احتجاج کرتے ہوئے میڈیا کو بتایا کہ بارہا شکایات کے باوجود انتظامیہ اور منتخب عوامی نمائندے صحت و صفائی کے مسائل حل کرنے میں ناکام ہیں- علاقہ مکینوں نے شدید احتجاج کرتے ہوئے مطالبہ کیا ہے کہ فوری نوٹس لیتے ہوئے صحت و صفائی کے مسائل حل کئے جائیں تاکہ علاقہ مکینوں کو ریلیف مل سکے
