اسلام گڑھ اور گردونواح میں مرغ گوشت کی قیمت بلند ترین
اسلام گڑھ (نامہ نگار) اسلام گڑھ اور گردونواح میں مرغ گوشت کی قیمت بلند ترین۔مرغ گوشت کی قیمت 480روپے سے تجاوز کرنے لگی۔رمضان شریف سے قبل ہی مہنگائی نے غریب کو کچلنا شروع کر دیا۔تفصیلات کے مطابق ملک بھر میں مہنگائی نے غریب لوگوں کو فاقوں پر مجبور کر دیا ہے۔بجلی،گیس ،میڈیسن اور تیل کی قیمتوں میں آئے دن کے اضافے سے ضرورت زندگی کی ہر چیز کی قیمت بڑھ چکی ہے
۔اسلام گڑھ بازار میں مرغ گوشت کی قیمت بلند ترین سطح پر پہنچ چکی ہے۔گھریلو سلنڈر،گھی اور آٹا مہنگا ہونے سے غریب فاقوں زندگی گزار رہے ہیں۔رمضان سے قبل ہی مہنگائی کا طوفان برپا ہو چکا ہے اگر موجودہ صورت حال کا نوٹس نہ لیا اور پٹرول،بجلی اور گیس کی قیمتوں میں کمی نہ ہوئی تو غربت کی شرح میں مزید اضافے کی وجہ سے غریب ختم ہونا شروع ہو جائیں گے۔حکومت وقت غریب لوگوں پر ترس کھائے اور بھوکوں مرنے سے بچنے کے لیے عملی اقدامات کرے۔
