تمام کھادیں مارکیٹ میں وافر مقدار میں موجود ہیں، مصنوعی بحران پیدا کرنے والے ڈیلرز کے ساتھ سختی سے نمٹا جائے گا
اسسٹنٹ کمشنر محمد اکمل نے یوریا کھاد کے سٹاک کے بارے میں دریافت کیا تو اسسٹنٹ ڈائریکٹر محکمہ زراعت توسیع مظہر حسین کلیم نے بریفنگ دیتے ہوئے کہا کہ تمام کھادیں مارکیٹ میں وافر مقدار میں سرکاری نرخوں موجود ہیں، اسسٹنٹ کمشنر نے فرٹیلائزر ڈیلرز کے مسائل بھی سنیں اور جائز مسائل حل کرنے کی یقین دہانی کرائی، اس موقع پر اظہار خیال کرتے ہوئے اسسٹنٹ کمشنر محمد اکمل نے کہا
کہ مصنوعی بحران پیدا کرنے والوں کے ساتھ سختی سے نپٹا جائے گا، ذخیرہ اندوزں اور ناجائز منافع خوروں کے خلاف سخت ایکشن لیا جائے گا مزید انھوں نے فرٹیلائزر ڈیلرز کو ہدایت کی کہ کاشتکار بھائیوں کو کھادیں ترجیح بنیادوں پر فراہم کی جائیں، اس موقع پر چوہدری اعجاز احمد گورایہ، چوہدری عبدالباسط ،مہر مجاہد دلمیر، وسیم اور وسیم افتخار بھی موجود تھے.
