پاک فوج سے محبت ہرپاکستانی کی گھٹی میں شامل ہے، کیپٹن عاصم ملک

پاک فوج سے محبت ہرپاکستانی کی گھٹی میں شامل ہے، کیپٹن عاصم ملک

لاہور(بیورورپورٹ) ترجمان اوورسیز پاکستانیز کیپٹن عاصم ملک نے کہا ہے کہ پاک فوج کے خلاف بات کرنے والے کس کا ایجنڈہ پورا کررہے ہیں، یہ لوگ کس کو خوش کرنا چاہتے ہیں، اپنی افواج سے محبت ہر پاکستانی کی گھٹی میں شامل ہے لہذا گمراہ کن پروپیگنڈوں سے پاکستانیوں کی اپنی افواج سے محبت کم نہیں کی جاسکتی،

انہوں نے کہا کہ جب پاک فوج کے ترجمان نے واضع الفاظ میں کہہ دیا ہے کہ فوج کا سیاست سے کوئی لینا دینا نہیں اور پاک فوج کو سیاست میں نا گھسیٹا جائے لیکن اس واضع اور دو ٹوک مئوقف کے باوجود کچھ لوگ نجانے کیوں پاک فوج کے خلاف گمراہ کن پروپیگنڈہ کررہے ہیں، کیپٹن عاصم ملک نے کہا کہ ایسے عناصر پاکستان کے خیرخواہ نہیں اور دشمن کے ہاتھوں میں کھیل رہے ہیں، میرا حکومت سے مطالبہ ہے کہ ان عناصر کی سرکوبی کی جائے