مجھے امید ہے وزیراعظم شہبازشریف اوورسیز کےمسائل حل کرینگے، کیپٹن عاصم ملک
دبئی(بیورورپورٹ) مجھے امید ہے کہ موجودہ حکومت اور وزیراعظم شہباز شریف اوورسیز پاکستانیوں کے مسائل کو حل کرنے میں بھرپور کردار ادا کریں گے، ان خیالات کا اظہار معروف پاکستانی شخصیت اور اوورسیز پاکستانیوں کے ترجمان کیپٹن عاصم ملک نے ایک بیان میں کیا، انہوں نے کہا کہ اوورسیز پاکستانیوں کے مسائل ہر دور میں حل طلب رہے ہیں اور ان مسائل کی وجہ سے اوورسیز پاکستانی بیرون ملک یکسوئی سے اور پرسکون ہوکر کام کرنے سے قاصر رہے ہیں، میری کوشش ہے
کہ اگر اوورسیز پاکستانیوں کے 50 فیصد مسائل بھی حل ہو جاتے ہیں تو میں یقین سے کہتا ہوں کہ ناصرف بیرون ملک ترسیلات زر کی شرع بڑھ جائے گی بلکہ دیگر پاکستانی بھی بیرون ملک روزگار کے سلسلے میں جانے کو ترجیح دیں گے
