آرمی چیف کی کاکول اکیڈمی میں کی گئی تقریر ہرپاکستانی کے جذبات کی عکاس تھی،کیپٹن عاصم ملک
انہوں نے کہا کہ چند دن قبل میں نے جو بیان دیا تھا جناب چیف آف آرمی سٹاف نے اس بیان کو اکیڈمی میں منعقدہ تقریب میں اپنی تقریر کا حصہ بنایا جو میرے لیے اعزاز ہے، چیف آف آرمی سٹاف جنرل قمر جاوید باجوہ نے اپنی تقریر میں ہر محب وطن پاکستانی کے حقیقی جذبات کی ترجمانی کی اور انہوں نے واضع کر دیا کہ پاکستان کو غیر مستحکم کرنے والوں کے ساتھ کسی قسم کی کوئی رعایت نہیں برتی جائے گی،
چند دن قبل میں نے اسی خدشے کا اظہار کیا تھا کہ کچھ قوتیں پاکستان کو غیر مستحکم کرنا چاہتی ہیں اور میں نے اپنے بیان میں چیف آف آرمی سٹاف سے اس حوالے سے اپیل کی تھی، کیپٹن عاصم ملک نے کہا کہ میں چیف آف آرمی سٹاف جنرل قمر جاوید باجوہ کی گزشتہ روز کی تقریر کو تحسین پیش کرتا ہوں، امید ہے کہ پاکستان کو غیر مستحکم کرنے والی قوتیں اس پیغام کو اچھی طرح سمجھ گئی ہوں گے
