ڈسٹرکٹ پولیس آفیسرنعیم عزیز سندھو کی ہدایات اور ضروری گائیڈ لائن کی روشنی میں تھانہ سٹی خانیوال پولیس کی اہم کامیابی
خانیوال16نومبر22 (سعید احمد بھٹی) ڈسٹرکٹ پولیس آفیسرنعیم عزیز سندھو کی ہدایات اور ضروری گائیڈ لائن کی روشنی میں تھانہ سٹی خانیوال پولیس کی اہم کامیابی‘اندھے قتل میں ملوث ملزمان کو چند روز میں گرفتار کرلیا‘حقیقی بھائی ہی قاتل نکلے‘ملزمان نے اعتراف جرم کرلیا۔تفصیل کے مطابق ڈی پی او نعیم عزیز سندھو نے میڈیا سے کفتگو کرتے ہوئے
0بتایا کہ پولیس اسٹیشن سٹی خانیوال میں مقدمہ نمبر 774/22 بجرم 302 ت پ کا سخت نوٹس لیتے ہوئے تھانہ کی حدود میں محمد عثمان کے اندھے قتل میں ملوث ملزمان کو جلد گرفتار کرنے کے احکامات جاری کیے اور ضروری گائیڈ لائن دیں جس کی روشنی میں ایس ڈی پی او صدر سرکل خانیوال محمد عمران کی زیرنگرانی سپیشل ٹیم تشکیل دی۔ڈی پی او نے بتایا کہ پولیس کو مقتول محمدعثمان کے بھائیوں نے گمشدگی کی اطلاع دی تھی۔
تو دوران تفتیش ملزمان نے اپنے بھائی کو قتل کرنے کا اعتراف جرم کرلیا اور یوں سپیشل ٹیم کی شبانہ روز محنت انفارمیشن ذرائع کو بروئے کارلاتے ہوئے محمد عثمان کے اندھے قتل کا کیس حل ہوگیا اور ملزمان پولیس حراست میں ہیں۔ڈی پی اور نعیم عزیز سندھو نے کہاکہ ملزم چاہے کتنا ہی شاطر کیوں نہ ہو قانون کی گرفت سے نہیں بچ سکتا‘ ملزمان کو ہرصورت کیفر کردار تک پہنچایا جائیگا۔
