مہنگائی نے پاکستان میں انسانی زندگی کا وجود خطرے میں ڈال دیا- ڈاکٹر افتخار حسین ایڈووکیٹ
شیخوپورہ(بیوروچیف/شیخ محمد طیب سے)مہنگائی نے پاکستان میں انسانی زندگی کا وجود خطرے میں ڈال دیا- ان خیالات کا اظہار معروف سماجی شخصیت و سینئر رہنما پاکستان عوامی تحریک شیخوپورہ ڈاکٹر افتخار حسین ایڈووکیٹ نے میڈیا سے گفتگو کرتے ہوئے اپنے ایک بیان میں کیا- انہوں نے کہا کہ یہ حکمران مزید برسر اقتدار رہے تو غریب کے پاس خود کشی کرنے کے سوا اور کوئی آپشن باقی نہیں بچے گا
مہنگائی کا جن قابو سے باہر ہوچکا ہے اسلئے حکمران ہوش کے ناخن لیں- معروف سماجی شخصیت و سینئر رہنما پاکستان عوامی تحریک شیخوپورہ ڈاکٹر افتخار حسین ایڈووکیٹ کا مزید کہنا تھا کہ ہم پٹرول مصنوعات اور اشیائے خوردونوش کی قیمتوں میں ہوشربا اضافہ کی مذمت کرتے ہیں
