شیخوپورہ، ائیر فاؤنڈیشن سکول سسٹم کی سالانہ تقریب تقسیم انعامات کا انعقاد

شیخوپورہ، ائیر فاؤنڈیشن سکول سسٹم کی سالانہ تقریب تقسیم انعامات کا انعقاد

شیخوپورہ(بیوروچیف/شیخ محمد طیب سے)

ائیر فاؤنڈیشن سکول سسٹم شیخوپورہ کی سالانہ تقریب تقسیم انعامات کا انعقاد- تفصیلات کے مطابق ائیر فاؤنڈیشن سکول سسٹم ہرن مینار روڈ شیخوپورہ کی سالانہ تقریب تقسیم انعامات مقامی مارکی میں منعقد ہوئی جس میں ماہرین تعلیم حافظ محمد حسین بھٹی، الحاج حافظ محمود، حافظ محمد عثمان شاکر، میاں عبدالفاروق، عامر شہزاد، میاں محمد خالد، چوہدری محمد احسان، عثمان سرور، چیف ایڈوئزر میڈم ناہید یوسف،

ڈائریکٹر میڈم کنول یوسف، پرنسپل میڈم مریم کے علاوہ طلباء و طالبات اور والدین کی بڑی تعداد بھی موجود تھی- اس موقع پر بچوں نے مختلف ٹیبلوشوز پیش کئے- تقریب سے خطاب کرتے ہوئے مقررین نے کہا کہ پرائیویٹ سیکٹر میں اعلیٰ اور معیاری تعلیم مہیا کی جا رہی ہے مگر بدقسمتی سے حکومت اس شعبہ پر کوئی توجہ نہیں دے رہی

جوکہ قابل افسوس اقدام ہے- چیف ایڈوائزر میڈم ناہید یوسف نے کہا کہ ہمارا ادارہ تعلیمی میدان میں خدمت کر رہا ہے اور بچوں کو تعلیم کے حصول کے لیے بہترین سہولیات فراہم کر رہا ہے، گزشتہ سال کی طرح امسال بھی اس ادارہ کا رزلٹ 100 فیصد رہا جوکہ انتہائی قابل ستائش ہے