معاشرے اور قوم کی ترقی کا دارومدار تعلیم پر ہوتا ہے:نوید افسر راجہ
دولتالہ (نامہ نگار)معاشرے اور قوم کی ترقی کا دارومدار تعلیم پر ہوتا ہے تعلیم یافتہ طبقہ ہی بہتر معیار زندگی کی قیادت کر سکتا ہے پائیدار ترقی،ٹیکنالوجی کا نفاز اور تعمیری سیاسی وسماجی تبدیلی صرف تعلیم سے ہی ممکن ہے تعلیم جہالت کے اندھیروں میں روشنی کی کرن ہے اور دنیا کی ترقی کا انحصار تعلیم پر ہے تعلیم سب سے طاقت ور ہتھیار ہے جسے آپ دنیا کو بدلنے کے لیے استعمال کر سکتے ہیں
آج کے دور میں تعلیم کے بغیر کامیابی کا تصور بھی نہیں کیا جا سکتا والدین اپنے بچوں کی بہترین تعلیم و تربیت کے لیے بہترین اداروں کا انتخاب کریں ایسے ادارے جہاں علم کی روشنی کے ساتھ ساتھ بچوں کی اخلاقی تربیت و کردار سازی پر بھی توجہ دی جائے اور آپ کو بچے کو معاشرے کا مفید شہری بنانے کی سعی کی جائے مہنگائی کے اس دور میں متوسط طبقہ اپنے بچوں کی تعلیم و تربیت کے لیے تشویش میں مبتلا ہے بچوں کا بہترین مستقبل ہر والدین کا خواب ہوتا ہے اور سکول انتظامیہ و اساتذہ اس خواب کو حقیقت بنانے کے لیے اپنی تمام تر توانیائیاں صرف کرتے ہیں
سکول ہذا گزشتہ 25سال سے علاقے میں علم کا نور بکھیرنے میں اپنی شمع جلا رہا ہے اور بلا شبہ سکول انتظامیہ پرنسپل محترمہ عاصمہ سخی، چوہدری سخی رضا اور سکول اساتذہ مبارک باد کے مستحق ہیں سکول ہذا کی طالبہ خمسہ طارق نے پنجاب کالج میں نمایاں پوزیشن حاصل کی جس پر سکول انتظامیہ کی جانب سے طالبہ کو نقدی انعام بھی دیا گیا
