شیخوپورہ، سرسید ماڈل سکول میں سالانہ رزلٹ ڈے کی شاندار تقریب
شیخوپورہ(بیوروچیف/شیخ محمد طیب سے)سرسید ماڈل سکول شیخوپورہ میں سالانہ رزلٹ ڈے کی تقریب، بچوں نے خوبصورت ٹیبلوز پیش کرکے حاضرین سے زبردست داد وصول کی- اس تقریب میں بچوں اور والدین کی کثیر تعداد نے شریک کی- اس موقع پر سی ای او ایجوکیشن شیخوپورہ علی احمد وسان، پرنسپل سرسید ماڈل سکول شیخوپورہ سہیل احمد کرمانی، ڈائریکٹر سرسید ماڈل سکول ولید احمد خان کرمانی، پرنسپل اورئینٹل ماڈل سکول شہباز احمد خان اور سینئر رہنما پی ٹی آئی شیخوپورہ اسلم خان شیروانی نے بطور مہمان خصوصی شرکت کی جن کی آمد کے موقع پر سکول کے بچوں نے پھولوں کے گلدستے پیش کئے
تقریب کے مہمان خصوصی پرنسپل سرسید ماڈل سکول شیخوپورہ سہیل احمد کرمانی، ڈائریکٹر سرسید ماڈل سکول ولید احمد خان کرمانی، پرنسپل اورئینٹل ماڈل سکول شہباز احمد خان اور سینئر رہنما پی ٹی آئی شیخوپورہ اسلم خان شیروانی نے طلباء و طالبات کو سرٹیفکیٹس دئیے، آخر میں نمایاں پوزیشن حاصل کرنے والے طلباء و طالبات میں نقد انعامات اور شیلڈز بھی تقسیم کی گئیں- تقریب کے شرکاء سے خطاب کرتے ہوئے پرنسپل سرسید ماڈل سکول شیخوپورہ سہیل احمد کرمانی کا کہنا تھا کہ تعلیمی اداروں میں بچوں کی تعلیم کے ساتھ ساتھ تربیت کا ہونا بھی لازم ہے،
ہم معیاری تعلیم کے فروغ کے لئے کوشاں ہیں اور یہی وجہ ہے کہ الحمدللٰہ شیخوپورہ میں قائم ہمارے ادارہ کی برانچز میں والدین اپنے بچوں کو تعلیم دلوانا فخر سمجھتے ہیں جوکہ ہمارے لئے بہت بڑا اعزاز ہے، اس موقع پر بچوں کے والدین نے سرسید ماڈل سکول کے جملہ سٹاف کی کارکردگی کو سراہا اور شاندار رزلٹ پر خوشی و اطمینان کا اظہار کیا
