پاک فوج کی قربانیوں کا احاطہ الفاظ میں ممکن نہیں،کیپٹن عاصم ملک
دبئی(بیورورپورٹ) ترجمان اوورسیز پاکستانیز کیپٹن عاصم ملک نے کہا ہے کہ پاکستان کا قیام ہمارے شہداء کی عظیم قربانیوں کا ثمر ہے، شہدائے پاکستان کی عظمت کو ماننا ہمارا نصب العین ہے، آج کے دن ہمہیں بحیثیت پاکستانی اپنے شہداء کی قربانیوں کو ناصرف یاد رکھنا چایئے بلکہ ان قربانیوں کا اعتراف کرنا چائیے،
ان شہداء کی قربانیوں کی وجہ سے ہم وطن عزیز میں سکون کی نیند سوتے ہیں، اوورسیزپاکستانی شہدائے پاکستان کی قربانیوں کو سلام پیش کرتے ہیں، انہوں نے کہا کہ پاک فوج کی قربانیوں کی تاریخ طویل ہے، پاک فوج اور دیگر سیکیورٹی اداروں نے ملک میں امن، سلامتی اور ترقی کے لیے گراں قدر خدمات انجام دی ہیں ان قربانیوں کو پاکستانی عوام کبھی فراموش نہیں کرینگی
