لاہور: سابق وزیر اعظم اور  مسلم لیگ (ن ) کے صدر شہباز شریف کا کہنا ہے کہ یہ الیکشن ہم نے عوام اور ملک کو مشکلات سے نکالنے کے لیےلڑنا ہے۔

شہباز شریف نے سابق رکن قومی اسمبلی احسان الحق باجوہ سے ملاقات کی جس دوران گفتگو کرتے ہوئے سابق وزیراعظم نے کہا کہ معیشت بحال کرنی ہے اور عوام کو مہنگائی سے نجات دلانی ہے۔

انہوں نے کہا کہ نواز شریف کی قیادت میں پاکستان کا مستقبل روشن کریں گے، ملک سے مہنگائی کے اندھیرے دور کریں گے۔