شیخوپورہ، مدر اینڈ چلڈرن کمپلیکس ایمرجنسی میں ادویات غائب، ہسپتال انتظامیہ کی بے حسی عروج پر
شیخوپورہ(بیوروچیف/ شیخ محمد طیب سے)
شیخوپورہ کے مدر اینڈ چلڈرن کمپلیکس کی ایمرجنسی میں ادویات غائب، انتظامیہ کی بے حسی عروج پر- ذرائع کے مطابق شہر شیخوپورہ میں قائم مدر اینڈ چلڈرن کمپلیکس کی ایمرجنسی میں مبینہ طور پر ادویات غائب ہونے لگیں، انتظامیہ کی عدم توجہی کی بدولت اس سرکاری ہسپتال میں کی ایمرجنسی میں داخل معصوم بچوں کے لئے ادویات کم پڑچکی ہیں اور لواحقین کو ادویات باہر کے میڈیکل سٹورز سے خریدنے پر مجبور کیا جاتا ہے
جس وجہ سے دور و نزدیک سے اپنے بیمار بچوں کو لانے والے بالخصوص مستحق والدین شدید پریشانی کا شکار نظر آتے ہیں، سٹاف نرسز طویل انتظار کے بعد بھی داخل بچوں کا علاج شروع ہی نہیں کرتیں اور بار بار ترلے منتوں کے بعد بچوں کے بیڈز تک آتی ہیں اور اس دوران بیماری سے تڑپتے بچے اکثر والدین مایوس ہوکر پرائیویٹ ہسپتالوں میں لے جانے پر مجبور ہوجاتے ہیں، ذرائع کے مطابق یہاں ایمرجنسی وارڈ میں محض دو کمروں میں پر مشتمل وارڈ کے ہر بیڈ پر تین سے چار مریض بچوں کو لٹایا جاتا ہے
تو یہاں سرکاری ہسپتال میں مجبوری کے عالم میں سہولت کے لئے کیوں آئے ہیں؟، مریضوں کے لواحقین و دیگر شہریوں کی جانب سے ڈپٹی کمشنر شیخوپورہ ڈاکٹر وقار علی خان اور چیف ایگزیکٹو آفیسر ہیلتھ شیخوپورہ و دیگر حکام بالا سے مطالبہ کیا گیا ہے کہ حکومت پنجاب کی واضع ہدایات کے باوجود غفلت برتنے والے متعلقہ افسران و میڈیکل سٹاف کے خلاف فوری نوٹس لیتے ہوئے کاروائی عمل میں لائی جائے اور غریب و لاچار والدین کو ریلیف فراہم کیا جائے
