وفاق اور کے الیکٹرک کے درمیان نیشنل گرڈ سے ہزار میگاواٹ بجلی فراہمی کا 10 سالہ معاہدہ ہوگیا
وفاق اور کے الیکٹرک کے درمیان نیشنل گرڈ سے ہزار میگاواٹ بجلی فراہمی کا 10 سالہ معاہدہ ہوگیا
وفاقی حکومت اور کراچی میں بجلی کی تقسیم کار نجی کمپنی کے الیکٹرک کے درمیان کراچی کو نیشنل گرڈ سے ایک ہزار میگاواٹ بجلی کی فراہمی کا 10 سالہ معاہدہ ہوگیا۔
پاور ڈویژن کے اعلامیے کے مطابق وفاقی حکومت اور کے الیکٹرک کے درمیان معاہدوں پر دستخط توانائی اور خزانہ کے نگران وزرا کی موجودگی میں ہوئے۔
معاہدوں پر کے الیکٹرک کے ایم ڈی مونس علوی اور پاور ڈویژن کے حکام نے دستخط کیے۔
حکومتی اداروں اور کے الیکٹرک کے درمیان ماضی کے واجبات کی ادائیگی میں ثالثی کیلئے بھی معاہدے پردستخط کیے گئے۔
کے الیکٹرک کو بر وقت سبسڈی ادائیگی کیلئے بھی معاہدے پر دستخط کیے گئے ہیں۔
وزیر توانائی محمد علی نے کراچی شہر کو مستحکم توانائی کی فراہمی کیلئے ان معاہدوں کو بہت اہم قرار دیا ہے اور کراچی کے شہریوں کو مبارک باد دی ہے۔
