گوادر میں گوادر  پورٹ اتھارٹی کمپلیکس کے قریب دھماکا اور فائرنگ کا واقعہ پیش آیا ہے، پولیس کی جوابی کارروائی میں 2 حملہ آور  ہلاک ہوگئے۔

پولیس حکام کے مطابق سکیورٹی فورسز  اور حملہ آوروں کے درمیان فائرنگ کا تبادلہ جاری ہے، مزید نفری طلب کرلی گئی ہے۔

پولیس حکام کا کہنا ہےکہ  فائرنگ سے پہلے ایک دھماکا ہوا، علاقےکو گھیرے میں لے لیا گیا ہے، فائرنگ سے نقصان کا تعین کیا جا رہا ہے۔

گوادر پورٹ اتھارٹی کمپلیکس میں پاسپورٹ آفس، الیکشن کمیشن آفس سمیت دیگر سرکاری اداروں کے دفاتر بھی ہیں۔