منقبت جنابِ صِدَّیق اکبرؓ
.معظم علی پاشاؔ(میلسی)
منقبت جنابِ صِدَّیق اکبرؓ
جہاں آقا ﷺوَہاں صِدَّیق اکبرؓ
وفا کا پَاسَباں صِدَّیق اکبرؓ
نبی ﷺ کے حُکم پہ لاۓ اٹھا کر
سبھی مالِ جَہاں صِدَّیق اکبرؓ
دیا سب کچھ لُٹَا عشقِ نبی ﷺمیں
سخاوت کا نِشاں صِدَّیق اکبر ؓ
ہمارا دل محبت سے پکارے
عقیدت ہو بَیاں صِدَّیق اکبرؓ
کہا صِدَّیق آقا ﷺنے تبھی سے
ہُوا وِردِ زَباں صِدَّیق اکبرؓ
بنے ہیں جاں نشیں اور ہمسفر بھی
وفاۓ دوستاں صِدَّیق اکبرؓ
ہراک پہلو نُمایاں ہے تُمھارا
ہے چاہت بِیکَرَاں صِدَّیق اکبرؓ
نبیﷺ کا قٌرب جو ہے چَاہِیے تو
کرو مدحت بیاں صِدَّیق اکبرؓ
ملائک نے پُکارا آسماں پر
ہے چاہت کا نِشَاں صِدَّیق اکبرؓ
