کشمیری بچی کی حمایت پر کرینہ کپور کو مسلمان سے شادی کا طعنہ
مقبوضہ کشمیر میں ایک 8 سالہ مسلمان بچی سے اجتماعی زیادتی اور بہیمانہ قتل کے واقعے کی دنیا بھر میں مذمت کی جارہی ہے اور بالی وڈ سمیت دیگر شعبوں سے تعلق رکھنے والے افراد بھی اس کے خلاف آواز اٹھا رہے ہیں۔
دوسری جانب انتہا پسند ہندوؤں کی جانب سے 8 سالہ آصفہ بانو کے ساتھ ہونے والے ظلم پر آواز بلند کرنے والے اسٹارز پر تنقید کا سلسلہ بھی جاری ہے۔
With all respect madam which country are you talking abt.Last time I checked u had married into Pakistan. You no longer are a Indian. And if u must tweet thn also tweet for the innocents killed by Pak terror outfits..
— Kichu കിച്ചു (ModiKaParivar)ഞാൻ മോദിയുടെ കുടുംബമാണ (@Kichu_BJP) April 12, 2018
اس سے قبل بھارتی ٹینس اسٹار ثانیہ مرزا پر تنقید کرتے ہوئے پاکستانی کرکٹر شعیب ملک سے شادی کرنے اور بھارتی نہ ہونے کا طعنہ دیا گیا اور اب اس کی زد میں بالی وڈ اداکارہ کرینہ کپور خان آئی ہیں۔
حال ہی میں کرینہ کی ایک تصویر سوشل میڈیا پر وائرل ہوئی، جس میں وہ مقبوضہ کشمیر کی بچی آصفہ کی حمایت میں ایک پلے کارڈ اٹھائے نظر آئی تھیں
#KareenaKapoorKhan #IndiaAgainstRape #JusticeForOurChild #JusticeforAsifa #JusticeForUnnao pic.twitter.com/NEqPsArNC6
— Swara Bhasker (@ReallySwara) April 14, 2018
کرینہ کی اس تصویر پر ایک انتہا پسند ہندو ٹوئٹر صارف ہرش وردھن نے لکھا، ‘کرینہ کو اس بات پر شرم آنی چاہیے کہ ہندو ہونے کے باوجود انہوں نے ایک مسلمان سے شادی کی، ان دونوں کا ایک بچہ بھی ہے، جس کا نام ایک جابر مسلم بادشاہ کے نام پر تیمور رکھا گیا ہے۔’
واضح رہے کہ کرینہ کپور نے اکتوبر 2012 میں سیف علی خان سے شادی کی تھی، ان دونوں کا ایک بیٹا بھی ہے، جس کا نام تیمور علی خان ہے۔
اس سے قبل بھی کرینہ کو سیف سے شادی اور تیمور کا نام رکھنے کے حوالے سے تنقید کا نشانہ بنایا جاتا رہا ہے۔
https://twitter.com/W_harsh_/status/985165214244057088
ہرش وردھن کی اس ٹوئیٹ کا جواب، فلم ‘ویرے دی ویڈنگ’ میں کرینہ کی ساتھی اداکارہ سوارا بھاسکر نے دیااور لکھا، ‘کرینہ کے بجائے آپ کو اس دنیا میں اپنی موجودگی پر شرم آنی چاہیے، خدا نے آپ کو دماغ دیا تھا، جسے آپ نے نفرت سے بھر دیا، جس کا اظہار آپ اپنے منہ کے ذریعے کرتے ہیں، آپ بھارت اور ہندوؤں کے لیے باعث شرم ہیں۔
ہرش وردھن کی اس ٹوئیٹ کا جواب، فلم ‘ویرے دی ویڈنگ’ میں کرینہ کی ساتھی اداکارہ سوارا بھاسکر نے دیا اور لکھا، ‘کرینہ کے بجائے آپ کو اس دنیا میں اپنی موجودگی پر شرم آنی چاہیے، خدا نے آپ کو دماغ دیا تھا، جسے آپ نے نفرت سے بھر دیا، جس کا اظہار آپ اپنے منہ کے ذریعے کرتے ہیں، آپ بھارت اور ہندوؤں کے لیے باعث شرم ہیں۔
You should be ashamed you exist. That God gave you a brain which you chose to fill with hate and a mouth you chose to spew filth from. You are a shame on India and Hindus. That shits like you feel emboldened to talk this crap publicly is this govt.’s legacy 🙏🏿 https://t.co/nmR5WIngBd
— Swara Bhasker (@ReallySwara) April 14, 2018
گذشتہ دنوں بھارتی عدالت میں پولیس کی جانب سے پیش کی گئی رپورٹ میں انکشاف ہوا تھا کہ بکروال کمیونٹی سے تعلق رکھنے والی مذکورہ بچی سے زیادتی اور قتل، اس مسلم کمیونٹی کو علاقے سے نکالنے کی ایک سازش اور سوچا سمجھا منصوبہ تھا۔
اس ظلم و زیادتی پر عامر خان، انوشکا شرما اور کرینہ کپور سمیت بالی وڈ کے متعدد اسٹارز نے غم و غصہ کا اظہار کیا ہے
