عباسپور 14 اگست کی مناسبت سے موٹر سائیکل ریلی میلاد چوک میں اختتام پذیر
ریلی کی قیادت چوہدری ثاقب مشتاق، سید بدر منیر، امجد سخی، دانیال حفیظ، خضر حیات، عبید رضا، آفتاب قادری اور دیگر رہنماؤں نے کی۔ ریلی میں تمام جماعتوں کے کارکنان اور رہنماؤں نے شرکت کی
عباسپور(رپورٹ:فائزہ شاہ)عباسپور سول سوسائٹی کی جانب سے 14 اگست کی مناسبت سے موٹر سائیکل ریلی نکالی گئی۔
ریلی عباسپور مین پل سے سٹارٹ ہو کر میلاد چوک میں اختتام پذیر ہوئی۔ ریلی کی قیادت چوہدری ثاقب مشتاق، سید بدر منیر، امجد سخی، دانیال حفیظ، خضر حیات، عبید رضا، آفتاب قادری اور دیگر رہنماؤں نے کی۔
ریلی میں تمام جماعتوں کے کارکنان اور رہنماؤں نے شرکت کی۔
شرکاء کا کہنا تھا کہ اب وہ وقت ہے کہ پاکستان کی محرومیوں کو دور کر کے اسے حقیقی فلاحی اسلامی ریاست بنایا جائے تاکہ قائد اعظم محمد علی جناح اور علامہ اقبال کا خواب شرمندہ تعبیر ہو سکے۔ شرکاء نے پاکستان کی خاطر جان قربان کرنے والوں کو خراج تحسین بھی پیش کیا۔
