فواد چوہدری کی بھارتی فوجیوں سے مقبوضہ کشمیر میں ڈیوٹی سے انکار کی اپیل
وفاقی وزیر برائے سائنس و ٹیکنالوجی فواد چوہدری نے بھارت کے پنجابی فوجیوں سے مقبوضہ کشمیر میں ڈیوٹی سے انکار کی اپیل کردی۔
وفاقی وزیر نے پنجابی زبان میں ٹوئٹ کرکے اپیل کی کہ پنجابی فوجی مقبوضہ کشمیر میں ڈیوٹی سے انکار کردیں اور مظلوم کشمیریوں کے ساتھ ناانصافی اور ظلم کا حصہ نہ بنیں۔
ਮੈਂ ਇੰਡੀਅਨ ਆਰਮੀ ਵਿਚ ਸਾਰੇ ਪੰਜਾਬੀ ਜਵਾਨਾਂ ਨੂੰ ਬੇਨਤੀ ਕਰਦਾ ਹਾਂ ਕਿ ਇੰਡੀਅਨ ਸਰਕਾਰ ਦੇ ਮਜ਼ਲੂਮ ਕਸ਼ਮੀਰੀਆਂ ਤੇ ਹੋ ਰਹੇ ਜ਼ੁਲਮ ਦੇ ਖ਼ਿਲਾਫ਼ ਆਪਣੀ ਆਰਮੀ ਡਿਊਟੀ ਤੋਂ ਇਨਕਾਰ ਕਰ ਦਿਓ !!
I appeal to all Punjabis in Indian army to refuse to be part of injustice/zulm and deny duty in Kashmir
— Ch Fawad Hussain (@fawadchaudhry) August 13, 2019
ایک بھارتی ٹوئٹر صارف نے فواد چوہدری کی ٹوئٹ کو بھارت کی سیکیورٹی معاملات میں مداخلت قرار دیا تو وفاقی وزیر نے اس کے جواب میں کہا کہ کیا کسی کو ظلم سے روکنا مداخلت ہے؟ امن مزاحمت کے بغیر ممکن نہیں ہے اور انصاف پسند بھارتی شہری مودی کے فاشزم کو مسترد کردیں۔
Asking to refuse cruelty is interference? I call upon all Just Indians to refuse Narendra Modi fascism and refuse to abide by rules of his Govt…. peace is not possible without resistance https://t.co/Y6sEA3x7Q9
— Ch Fawad Hussain (@fawadchaudhry) August 13, 2019
وفاقی وزیر برائے سائنس و ٹیکنالوجی فواد چوہدری مقبوضہ کشمیر میں بھارتی بربریت کے خلاف مسلسل آواز اٹھا رہے ہیں اور پارلیمنٹ کے مشترکہ اجلاس میں بھی انہوں نے بھارت سے سفارتی تعلقات منقطع کرنے کا مطالبہ کیا تھا۔
پارلیمنٹ کے مشترکہ اجلاس میں اظہار خیال کرتے ہوئے فواد چوہدری نے کہا تھا کہ جب کوئی فیصلہ منظور نہیں ہوتا تو بھارت کا سفیر یہاں کیا کررہا ہے؟
ان کا کہنا تھا کہ بھارتی سفیر ایک اچھے انسان ہیں لیکن وہ یہاں ایک فاشسٹ حکومت کی نمائندگی کررہے ہیں، جب یہاں سفارت کاری ہونی نہیں ہے تو ایک دوسرے کے سفیر پر صرف خرچ کررہے ہیں، ہمیں بھارت سے سفارتی تعلقات منقطع کرنے چاہئیں۔
