اسلام گڑھ مغل آباد کے قریب پبلک ٹرانسپورٹ کوسٹر اور لوڈر رکشہ میں شدید تصادم
اسلام گڑھ(نامہ نگار) اسلام گڑھ مغل آباد کے قریب پبلک ٹرانسپورٹ کوسٹر اور لوڈر رکشہ میں شدید تصادم، رکشہ ڈرائیور موقع پر جان کی بازی ہار گیا جبکہ دوسرا ساتھی شدید زخمی،زخمی کو مقامی ٹرسٹ سے ابتدائی طبعی امداد کے بعد میرپور ڈی ایچ کیو ریفر کر دیا گیا تفصیلات کے مطابق اسلام گڑھ مغل آباد کے قریب پبلک ٹرانسپورٹ کوسٹر اور رکشہ میں شدید تصادم ہوا ہے جس کے نتیجے میں رکشہ ڈرائیور وحید ساکن کنٹھل کراس موقع پر جان کی بازی ہار گیا
جبکہ دوسرا ساتھی اسد ساکن پرکوڈی کراس شدید زخمی ہو گیا جسے مقامی ٹرسٹ میں ابتدائی طبعی امداد دینے کے بعد ڈی ایچ کیو ہسپتال میرپور ریفر کر دیا گیا ہے حادثہ کی اطلاع ملتی ہی تھانہ پولیس اسلام گڑھ موقع پر پہنچ گئی کوسٹر MRSA 223 کا ڈرائیور موقع سے فرار ہو گیا ہے جبکہ پولیس نے گاڑی کو ضبط کر لیا اور مزید تفتیش شروع کر دی ہے۔