پاکستان قونصلیٹ جدہ میں نئے تعینات ہونے والے پریس قونصلر محمد عرفان چوہدری سے پاک میڈیا جرنلسٹس فورم کے عہدیداران کی تعارفی ملاقات
جدہ (نامہ نگار )پاکستان قونصلیٹ جدہ میں نئے تعینات ہونے والے پریس قونصلر محمد عرفان چوہدری سے پاک میڈیا جرنلسٹس فورم کے عہدیداران کی تعارفی ملاقات۔
ایک دوسرے سے باہمی رابطے بڑھا کر کیمونٹی اور پاک سعودی دوستی کو مزید مضبوط کرنے کے لیے ملکر کام کرنے پر اتفاق ۔چئیرمین پاک میڈیا جرنلسٹس فورم چوہدری نورالحسن گجر کی سربراہی میں پاک میڈیا جرنلسٹس فورم کے عہدے دران صدر فہد رفیق کھوکھر،سنئئر نائب صدر حسن بٹ ،جوائنٹ سیکرٹری ثاقب احسان مغل اور دیگر کی پاکستان قونصلیٹ جدہ میں نئے تعینات ہونے والے پریس قونصلر محمد عرفان سے تعارفی ملاقات ہوئی
جس میں تمام عہدے داران نے عرفان چوہدری کو جدہ میں تعینات ہونے پر مبارکباد دیتے ہوۓ پاک سعودی تعلقات کو مزید بڑھانے اور مشترکہ طور پر صحافتی امور پر ملکر کام کرنے کی یقین دہانی کروائی، جس پر محمد عرفان چوہدری نے سب کا شکریہ ادا کرتے ہوئے کہا کہ ہم مل کر ذرائع ابلاغ درستگی اور حقائق کی جانچ کے لیے کام کریں گے جس میں سینیئر صحافیوں اور قومی چینلز کے نمائندگان کا ساتھ ایک ضروری امر ہے اور باضابطہ اصولوں پر عمل درآمد کرنے کے لئیے تجربے کار صحافیوں کی رہنمائی اور ہماری ہدایات کے مسودے پر اجتمائی طور پر کام کیا جاۓ گا۔