حکومت کوروناوائرس کی عالمی وبا کےتدارک کےلئےروزانہ کی بنیاد پر موثراقدامات کررہی ہےظفرمرزا
اسلام آباد(فائزہ شاہ کاظمی بیورو چیف اسلام آباد)صحت کے بارے میں معاون خصوصی ڈاکٹر ظفر مرزا نے کہا ہے کہ حکومت کوروناوائرس کی عالمی وبا کے تدارک کےلئے روزانہ کی بنیاد پر موثر اقدامات کررہی ہے۔ اسلام آباد میں کورونا وائرس کی ہیلپ لائن سنٹر 1166 کے دورے کے دوران اظہارخیال کرتے ہوئےمعاون خصوصی نے عوام پرزور دیا کہ کوروناوائرس کے حوالے سے وفاق اور صوبوں کی جانب سے جاری کی گئی احتیاطی تدابیر پر عمل کریں۔
انہوں نے کہا کہ احتیاطی تدابیر پر عملے کے ذریعے کوروناوائرس کے پھیلاو کو موثر طور پر روکا جاسکتا ہے۔ انہوں نے کہا کہ ہیلپ لائن کے ذریعے عوام کو جامع اور موثر آگاہی فراہم کی جارہی ہے۔ اس موقع پر ڈاکٹر ظفر مرزا نے ہیلپ لائن کے نمائندوں کے ساتھ ملاقات بھی کی اور ان کی کارکردگی پر اطمینان کا اظہار کیا۔
