سپریم کورٹ کے جج قاضی فائز عیسیٰ کی طبیعت پہلے سے بہتر
اسلام آباد ( بیورو رپورٹ) کورونا کے باعث اسپتال میں زیرعلاج سپریم کورٹ کے جسٹس قاضی فائز عیسیٰ کی طبیعت میں بہتری آنے لگی۔گزشتہ روز جسٹس قاضی فائز عیسیٰ کو طبیعت ناسازی کے باعث قائداعظم اسپتال منتقل کیا گیا تھا۔ ذرائع کے مطابق جسٹس قاضی فائز عیسیٰ کی طبیعت مجموعی طور پر پہلے سے قدرے بہتر ہے۔ذرائع نے بتایا کہ جسٹس قاضی فائز عیسیٰ کا آکسیجن سیچوریشن لیول 96 تک پہنچ گیا جبکہ ان کی کھانسی بھی گزشتہ روز کی نسبت بہتر ہوگئی
۔ڈاکٹرز نے فی الحال جسٹس فائز عیسیٰ کو مزید نگرانی میں رکھنے کا فیصلہ کیا ہے اور طبیعت ٹھیک ہونے پرانہیں گھر منتقل کردیا جائے گا۔دوسری جانب جسٹس قاضی فائزعیسیٰ کی اہلیہ سرینا عیسیٰ بھی زیرعلاج ہیں اور ان کی بھی طبیعت بہتر ہے۔ خیال رہے کہ گزشتہ دنوں جسٹس قاضی فائزعیسیٰ اور ان کی اہلیہ سرینا عیسیٰ میں کورونا کی تشخیص ہوئی تھی جس کے بعد سے وہ اور ان کی اہلیہ گھر میں قرنطینہ تھے۔
