متحدہ اپوزیشن کا کہنا ہے کہ عمران خان وزیراعظم نہیں رہے، آئینی، قانونی اور اخلاقی سب اختیار کھو چکے ہیں، ان کے کسی فیصلے، اقدام اور حکم کی کوئی آئینی، قانونی حیثیت نہیں ہوگی۔

ایک بیان میں متحدہ اپوزیشن کا کہنا ہے کہ عمران خان وزیراعظم نہیں رہے تو ریاستی اور حکومتی اختیار سے بھی محروم ہوچکے ہیں،ان  کا کوئی بھی اقدام قانون قبول کرے گا نہ اپوزیشن اور نہ ہی عوام۔

متحدہ اپوزیشن کا کہنا ہے کہ عمران خان کے کسی فیصلے، اقدام اور حکم کی کوئی آئینی، قانونی حیثیت نہیں ہوگی، ہر غیرآئینی قدم پر عمران خان کو نتائج بھگتنا پڑیں گے، عمران خان کے ہر غیرآئینی اقدام کی قوم مدافعت بھی کرے گی اور مزاحمت بھی۔