انٹرٹینمنٹ سے بھرپور فلم ’طیفا ان ٹربل‘ سینما گھروں کی زینت بن گئی
فلم بینوں کا انتظار اب ختم ہوا کیوں کہ ایکشن، کامیڈی، رومانس اور تھرل سے بھرپور فلم ’طیفا ان ٹربل‘ آج ریلیز ہوگئی۔
فلم ’طیفا ان ٹربل‘ لائٹ اینگل، مانڈوی والا انٹر ٹینمنٹ، ٹیڈ پول فلمز اور جیو فلمز نے پیش کی جس کی شاندار ہدایت کاری احسن رحیم نے کی ہے۔
فلم میں گلوکار و اداکار علی ظفر اور خوبرو اداکارہ مایا علی نے مرکزی کردار ادا کیا جب کہ فلم کی کاسٹ میں فیصل قریشی سمیت کئی نامور اداکار بھی شامل ہیں۔
گزشتہ روز کراچی میں فلم کا شاندار پریمئر ہوا جس میں فلم کی پوری ٹیم کے ساتھ دیگر شوبز ستاروں نے بھی شرکت کی۔
شوبز ستاروں نے فلم کو ’طیفا ان ٹربل‘ کو پاکستانی فلم انڈسٹری کے لیے نئی بنیاد قرار دیا ہے۔
مداحوں کی جانب سے فلم کو بے حد پسند کیا جارہا ہے اور بھرپور انٹرٹینمنٹ پیکج کہا جا رہا ہے۔
فلم بینوں کا کہنا ہے کہ ’طیفا ان ٹربل‘ میں فلمائے گئے مناظر بہترین ہیں، تمام گانے شاندار ہیں جب کہ مایا اور علی کی جوڑی کو بھی خوب پسند کیا جارہا ہے۔
فلم بینوں کا کہنا ہے کہ ’طیفا ان ٹربل‘ میں فلمائے گئے مناظر بہترین ہیں، تمام گانے شاندار ہیں جب کہ مایا اور علی کی جوڑی کو بھی خوب پسند کیا جارہا ہے۔
سوشل میڈیا پر بھی فلم کی تعریف کے چرچے ہیں اور پرستار علی اور مایا کے لیے محبت بھرے جذبات کا اظہار کر رہے ہیں۔
ٹوئٹر صارف سلمان احمد نے فلم کی تعریف کرتے ہوئے اپنی ٹوئٹ میں سب کو فلم دیکھنے کا مشورہ دیا اور لکھا کہ یہ فلم پاکستان کا بین الاقوامی سطح پر ریکارڈ توڑے گی۔
Guys go and watch #TeefaInTrouble its an amazing film and extremely talented actors @mayaali07 @AliZafarsays . This film is really going to break records of Pakistan internationally. Beat of luck @AliZafarsays @mayaali07
— Salman Ahmad (@thesamug) July 20, 2018
ایسی ہی ایک اور صارف رابعہ ملک نے فلم دیکھنے کے بعد ایک ٹوئٹ پوسٹ کی جس میں بتایا کہ فلم “masterpiece” اور انٹرٹینمنٹ سے بھرپور ہے جس میں بہترین کامیڈی ہے۔
https://twitter.com/rabiya__malik/status/1020034776495992834
واضح رہے کہ فلم طیفا ان ٹربل پاکستان کی تاریخ میں پہلی فلم ہے جو 25 ممالک میں ریلیز ہوئی ہے۔
